Pikkorissaanerit
Ingerlatsinerit pikkorissaanerit saqqummiinerillu
Ilinniakkatut tunuliaqutigisagut aallaavigalugit ukiorpassuarnilu aqutsisutut assigiinngitsunik suliaqarsimanerput aallaavigalugu suliaqarpugut, ilaatigut Kalaallit Nunaat pillugu saqqummiisinnaalluta suliffeqarfiillu pisariaqartitaat aallaavigalugit ingerlatsinernik suliaqartarluta. Immikkut ukkatarisaraarput periusissiamik piviusunngortitsineq, aqutsineq, attaveqaqatigiinneq kulturillu akornanni suleqatigiinneq.
EQ tunngavigalugu aqutsisunut ingerlatsineq
Pikiala ApS-imi uku suleqatigalugit: Styrk din ledelseskerne™ aqutsisut ulluinnarni suliaannut tulluartumik atorluarsinnaasaannillu ingerlatsisarpugut. Ingerlatsinnitsinni sammisarpagut inuit akornani kulturillu assigiinngitsut naapiffianni suleqatigiinneq attaveqaqatigiinnerlu.
Aqutsinermut sakkussat inuttut aqutseriaatsimut tunngasut itinerusumik sammisarpagut. Qanilaarneq anguniarlugu inuit qulit miss. amerlassissusillit ataatsikkut pikkorissartarpagut. Ingerlatsinermi naapinnerit marluusarput taakkulu naapinnerit marluk akornanni peqataasut immikkut coachertinneqartarput.
Ingerlatsinermi peqataanikkut makku ineriartortissavatit:
– aqutsinermut piginnaasatit
– imminut paasisaqarfigineq aqqutigalugu suli patajaannerusumik aqutsisinnaaneq
– inuit allat suleqatiginerini attaveqatiginerinilu nalilersueqqissaarsinnaaneq tulluartumillu iliuuseqarsinnaaneq
– kulturikkut assigiinngissutsit ilisimalluarlugit attaveqaqateqarsinnaaneq
– suliffeqarfimmi toqqissisimanermik pilersitsisinnaaneq taamaasillunilu angusaqarluarsinnaaneq
– aqutsisutut tamakkiisumik isiginnissinnaaneq – aamma pikkunartorsiorfinni
EQ tunngavigalugu aqutsisunut ingerlatsineq
Angallassinerit
Ukiumut arlaleriarluta Dorte Kroghimik atilik suleqatigalugu nunatsinni sumiiffinni assigiinngitsuni angallassisarpugut. Nunatta pinngortitaa immikkuullarissoq tunngavigilluinnarlugu pisuttuaqatigiinnerit, itinerusumik sammisaqartitsinerit, inunnik naapitsineq ataatsimoorneq nunarpulllu pillugu paasissutissiineq sammineqartarput.
Angallassigaangatta angalaqatigiinneq qanilaarnerusoq ineriartorfiusorlu angorusullugu inuit amerlanngitsut angallattarpagut (inuit qulit). Angallassinermi angalaqataasut nunarput pillugu paasisaqarnissaat allatigullu itinerusumik sammisarnissaat pingaartitarparput aammali angalaqatitik ilisimasarilernissai pingaartillugu.
Angalanerit ilai arnanut ingerlanneqartarput ilaalu angutinut kiisalu ilai tamanut ammasarlutik.
Paasisaqarnerorusukkuit uunga allassinnaavutit: maliina@pikiala.gl